影片
更多
2012-05-12
11 瀏覽
聽得多MS.B既蛋糕好出名, 一直都心思思好想試無奈只知道中環先有佢既店舖, 上次經過可惜已經關門無緣可以試到.點知上星期去大坑搵食經過此店門口見到大大隻蝴蝶好熟口面再上網查下...原來MS B開左店係大坑咁就岩晒我可以來買件CAKE回家試下.可能已經係晚上選擇既蛋糕都唔多, 加上無牌介紹真係唔知要選咩蛋糕....好彩店員細心每件都介紹, 最後選左2件試下...此店有名氣當然價錢都成正比, 每件$60絕對不平, 不過心想如果好味都係值得既...可惜回家試後真係覺得用$120買一個集團式蛋糕好過. 此店既蛋糕真係令我有D失望.第一個係3層唔同口味既海綿蛋糕(無記錯呀..係紅菜頭, 開心果同朱古力), 其實每層分開食都食唔出太大分別, 特別係開心果一層更加無味道, 食到中間有少少果肉, 可惜都唔會令到平平無奇既蛋糕增加好感.另外一個係荔枝味同樣內裡有少少荔枝肉, 不過味道都係一樣無咩特別...只此既海綿蛋糕係做得比外面既蛋糕更鬆軟 , 只可惜佢都只不過係一件普通不過既海綿蛋糕, 還要收取$60真係有點不值. 同場都忍不住再影下佢地既蛋糕, 每件都好似藝術品咁靚, 可惜藝術品係唔係用來食.
可能已經係晚上選擇既蛋糕都唔多, 加上無牌介紹真係唔知要選咩蛋糕....
好彩店員細心每件都介紹, 最後選左2件試下...此店有名氣當然價錢都成正比, 每件$60絕對不平, 不過心想如果好味都係值得既...可惜回家試後真係覺得用$120買一個集團式蛋糕好過.
此店既蛋糕真係令我有D失望.
第一個係3層唔同口味既海綿蛋糕(無記錯呀..係紅菜頭, 開心果同朱古力), 其實每層分開食都食唔出太大分別, 特別係開心果一層更加無味道, 食到中間有少少果肉, 可惜都唔會令到平平無奇既蛋糕增加好感.
另外一個係荔枝味同樣內裡有少少荔枝肉, 不過味道都係一樣無咩特別...
只此既海綿蛋糕係做得比外面既蛋糕更鬆軟 , 只可惜佢都只不過係一件普通不過既海綿蛋糕, 還要收取$60真係有點不值.
同場都忍不住再影下佢地既蛋糕, 每件都好似藝術品咁靚, 可惜藝術品係唔係用來食.
張貼
