CURATOR Art & Café (已結業)

今日同豬先生浪漫一下，吹下海風答下渡輪，食個靚tea~我地簡左K11 musea入面既Curator by Lex Art Cafe，因為我平時落去樓下個層買牛角包既時候，都有同豬先生講間餐廳幾靚😊餐廳係同村上隆花花圖案合作，除左裝潢上仲有精品可以購買，集藝術與美食於一身。一路食餐廳會轉下燈，有唔同既氣氛😊花漾田園盛宴下午茶（$398）🔸藜麥烤蔬菜花卉杯(蒜泥蛋黃墨西哥辣醬)用小盆栽既形式擺盆，蔬菜種類都有成7種，由西蘭花、蘆筍仔、蕃茄仔、甘筍仔、花椰菜、菇、食用花、牛油生菜同藜麥而組成，蔬菜烤焗過有牛油香氣，點上蛋黃墨西哥辣醬，野味香口🔸美國安格斯小漢堡一咬就bit哂牛肉汁，麵包焊焗過，脆口🔸煙三文魚牛油果醬墨西哥脆片傳統墨西哥醬之一，配上咸香既煙三文魚🔸烤八爪魚莎莎醬墨西哥脆片傳統墨西哥醬之一，配上軟糯既八爪魚，口感又係另一番體驗🔸鮮雜莓忌廉奶凍唔會過甜，上面既士多啤梨好甜~🔸心太軟配movenpick雪糕雪糕都係用小盆栽既形式擺盆，小巧可愛，心太軟外脆內軟，切開朱古力漿流出，配上雪糕，冷熱既享受🔸凍蝶豆花蜂蜜青檸梳打好鍾意睇住蝶豆花由藍轉紅，成件事好夢幻🔸打印凍朱古力+$38餐廳