影片
更多
2023-05-06
927 瀏覽
朋友生日約左來k11 musea行街同食靚靚tea, 呢一間最特別嘅係佢嘅打印咖啡! 之前上網睇到真係超級靚，去到佢話有三款圖案可以選擇，係tea set各加38蚊，野飲可以選擇朱古力同咖啡☕️ 圖案我地分別係村上陸嘅花花同埋梵高嘅Starry night ! 圖案出來超清晰，超夢幻！仲要好好味，打印咖啡圖片嗰一層奶味好足好滑身，下面嘅朱古力偏甜咗少少🤏都幾好飲，如果唔鍾意飲甜嘅就可以叫咖啡，我同朋友打咗好耐卡，靚到唔捨得飲🙈🙈🙈Tea set 398/2人 ，價錢係k11 musea來講幾合理，咸甜唔同款式～咸點有：藜麥蔬菜花卉杯（配蒜泥蛋黃墨西哥辣醬） 呢一個設計上好有心思有驚喜，上面砌得好靚，有唔同嘅蔬菜，有紫椰菜、蘿蔔仔、菇，下面係底嘅就係生菜同埋藜麥，係口感爽脆嘅Superfood, 健康之選，整體來講味道比較淡身，所以一定要加返佢嘅墨西哥醬，整體口感好多層次好豐富，用一個花盆嘅裝飾，幾有新鮮感！不過如果個醬一早伴埋落去就更方便啦🤣美國安格斯小漢堡用咗同餐廳一樣風格嘅花花簽去插着漢堡，好得意呀！入邊嘅安格斯牛幾有牛肉味，加埋蕃茄醬同埋芝士，幾啱小朋友嘅口味！🌈挪威煙三文魚牛油
朋友生日約左來k11 musea行街同食靚靚tea, 呢一間最特別嘅係佢嘅打印咖啡! 之前上網睇到真係超級靚，去到佢話有三款圖案可以選擇，係tea set各加38蚊，野飲可以選擇朱古力同咖啡☕️ 圖案我地分別係村上陸嘅花花同埋梵高嘅Starry night ! 圖案出來超清晰，超夢幻！仲要好好味，打印咖啡圖片嗰一層奶味好足好滑身，下面嘅朱古力偏甜咗少少🤏都幾好飲，如果唔鍾意飲甜嘅就可以叫咖啡，我同朋友打咗好耐卡，靚到唔捨得飲🙈🙈🙈
Tea set 398/2人 ，價錢係k11 musea來講幾合理，咸甜唔同款式～
咸點有：
藜麥蔬菜花卉杯（配蒜泥蛋黃墨西哥辣醬）
呢一個設計上好有心思有驚喜，上面砌得好靚，有唔同嘅蔬菜，有紫椰菜、蘿蔔仔、菇，下面係底嘅就係生菜同埋藜麥，係口感爽脆嘅Superfood, 健康之選，整體來講味道比較淡身，所以一定要加返佢嘅墨西哥醬，整體口感好多層次好豐富，用一個花盆嘅裝飾，幾有新鮮感！不過如果個醬一早伴埋落去就更方便啦🤣
美國安格斯小漢堡
用咗同餐廳一樣風格嘅花花簽去插着漢堡，好得意呀！入邊嘅安格斯牛幾有牛肉味，加埋蕃茄醬同埋芝士，幾啱小朋友嘅口味！🌈
挪威煙三文魚牛油果醬粟米脆片
煙三文魚咸香煙燻味得來入口滑身唔會好乾，鹹香味加埋牛油果醬好夾，底層嘅粟米脆片有種食墨西哥tortilla chips 嘅感覺！加埋個上面醬汁微微酸幾開胃！
焗八爪魚🐙莎莎醬墨西哥脆片
好少見到個焗八爪魚，相對起魚生嘅八爪魚會比較乾身，但係海鮮嘅味道好似更加濃郁，莎莎醬酸酸辣辣，同埋墨西哥脆片加埋都係開胃嘅咸點🌈脆卜卜～
甜點有：
鮮雜莓法國忌廉奶凍
上面嘅雜莓都幾多汁，加埋嗰醬酸酸甜甜有少少似新地上面嘅士多啤梨醬口味，下面嘅忌廉奶凍非常之滑身唔會好甜，所以加埋酸酸甜甜嘅士多啤梨醬啱啱好！
心太軟配Movenpick雪糕🍦
本身冇為意係咩雪糕，一食落口覺得好滑身又有真雲呢拿籽，再睇返Menu先知道原來係用咗movenpick嘅雪糕! 心太軟雖然我哋係最後食，但係切開都仲係流心朱古力熔岩，非常有層次嘅口感！朱古力味濃郁得來加埋雪糕唔會太甜，我建議第一個就食佢雪糕先唔會融！
嘢飲有春日限定既嘅凍蝶豆花蜂蜜青檸，感覺都好吸引，不過我覺得呢一間當然要飲佢嘅人咖啡！同埋佢成間餐廳嘅氛圍都好藝術phone有好多唔同嘅話同埋display可以參觀，野食唔錯，坐得多好舒服嘅卡位，推薦！
張貼
