薄餅博士

營業中

休息中

一大班人開party， 當然唔少得pizza呢樣食物， 因為佢又砌得好多塊可以分比好多人， 而且佢係用麵粉做底相對容易食得飽， 最重要係pizza係好味好多人都鍾意食。因為budget有限， 就試下呢間比較經濟實惠嘅pizza。 聖誕節下， 兩個大批有芝心， 再包一個粉一個飯， 一盒大嘅小食拼盤， 仲有雞粒薯角同埋忌廉雞湯， 都係大約四百蚊， 喺節日下可以畫為大家慳返唔少荷包。一個係夏威夷味pizza一個係辣味肉粒沙拉美腸pizza， 兩個都做得好正路， 拍得住另一間大牌子嘅pizza店。 最緊要係送到嚟仲係熱辣辣， 仲見到有煙出緊嘅， 食都食得特別暢快。 其他小食拼盤同埋飯就普通貨色， 入到口可以塞飽你個肚， 都叫做滿足到口腹之慾。Budget有限嘅不妨嚟試一試。