影片
更多
2019-09-05
41 瀏覽
話說就嚟到中秋，所以一早就book咗位同屋企人提早去食餐飯慶祝！始終屋企有老人家都鍾意食中菜，今次就揀咗呢間位於銅鑼灣嘅高級江南菜館試試。呢間 張生記 其實只係新開咗無耐，見佢哋嘅裝修都好靚好典雅！兩老上到去都讚話座位好舒服👍🏻中菜館嚟講，呢度嘅環境真係贏哂！就連餐具都set得好靚！先嚟上咗個「西湖桂花藕」開頭我仲以為呢個係鹹食，點知食落原來係甜甜哋，鬆軟嘅蓮藕包住啲煙煙韌韌嘅糯米，真係好過癮，口感好特別！「撈汁海蜇頭」呢款食落個口感同以住其他地方食開嘅海蜇感覺好唔同，通常出面嘅都係好味精又淋身，而呢度嘅海蜇食落係好爽脆，而且個味道好開胃，配埋啲青瓜食，成個感覺好清新！之後呢款就特別啦！「秘製雙拼」而呢雙拼分別就係墨魚腸 & 自家製魚片一上菜已經覺得好神秘，灰黑色嘅臘腸咁樣，到底會係咩味道😂原來墨魚腸係甜甜哋，又帶啲墨魚鮮香嘅！肥瘦均勻，口感好正！自家製嘅魚片同樣好出色，食嘅時候仲係微溫，食落非常香口！之後重頭戲就嚟啦！呢個張生記招牌嘅「老鴨煲」果然有料！用咗原隻大大隻500天以上嘅中華綠頭母鴨嚟到去熬製！而且仲食到好多其他食材，好似有金華火腿、笋乾等等...飲落真係好鮮甜😍啖啖精華！
始終屋企有老人家都鍾意食中菜，今次就揀咗呢間位於銅鑼灣嘅高級江南菜館試試。
呢間 張生記 其實只係新開咗無耐，見佢哋嘅裝修都好靚好典雅！兩老上到去都讚話座位好舒服👍🏻中菜館嚟講，呢度嘅環境真係贏哂！
就連餐具都set得好靚！
先嚟上咗個「西湖桂花藕」
開頭我仲以為呢個係鹹食，點知食落原來係甜甜哋，鬆軟嘅蓮藕包住啲煙煙韌韌嘅糯米，真係好過癮，口感好特別！
「撈汁海蜇頭」
呢款食落個口感同以住其他地方食開嘅海蜇感覺好唔同，通常出面嘅都係好味精又淋身，而呢度嘅海蜇食落係好爽脆，而且個味道好開胃，配埋啲青瓜食，成個感覺好清新！
之後呢款就特別啦！「秘製雙拼」
而呢雙拼分別就係
墨魚腸 & 自家製魚片
一上菜已經覺得好神秘，灰黑色嘅臘腸咁樣，到底會係咩味道😂原來墨魚腸係甜甜哋，又帶啲墨魚鮮香嘅！肥瘦均勻，口感好正！
自家製嘅魚片同樣好出色，食嘅時候仲係微溫，食落非常香口！
之後重頭戲就嚟啦！呢個張生記招牌嘅「老鴨煲」果然有料！用咗原隻大大隻500天以上嘅中華綠頭母鴨嚟到去熬製！而且仲食到好多其他食材，好似有金華火腿、笋乾等等...飲落真係好鮮甜😍啖啖精華！
同埋呢度嘅職員非常細心，幫我哋每人分湯嘅時候，都不忘分埋啲湯渣！一邊飲一邊食。超正💕
除此之外，仲叫咗個「杭州東坡肉」配埋個「蝴蝶夾」
個人嚟講其實好少會食類似嘅菜式，因為始終怕肥嘛😂
但呢款真係真係好好食，因為有個蝴蝶夾(即係包)夾住舊肉，啱啱好中和返，食落肥而不膩，肉質仲好鬆香添😋
食到咁上下就嚟埋個主食，「蔥油拌麵」
呢款麵同而家好Hit嘅台式蔥油拌麵都有好大分別，呢度嘅面底比較粗身，口感咬落非常煙韌！而且個撈汁非常濃郁，油份又啱啱好！忍唔住食完一啖又一啖！
最尾決定叫多個甜品，滿足埋第二個胃。不過老人家唔鍾意食太甜，所以叫咗個「酒釀丸子」，食落帶鹹香又有淡淡酒香，丸子吸收左糖水嘅精華，咬落先係酒味嘅甘醇再慢慢深返丸子嘅甜味出嚟！真係超過癮！
成餐飯覺得好滿足，兩老們都表示好滿意！
坐得舒服，嘢有好食，店員全部都好有禮貌！以後家人聚餐，又多一個好選擇啦🥰
2 瀏覽
0 讚好
0 留言
3 瀏覽
0 讚好
0 留言
0 瀏覽
0 讚好
0 留言
2 瀏覽
0 讚好
0 留言
2 瀏覽
0 讚好
0 留言
3 瀏覽
0 讚好
0 留言
1 瀏覽
0 讚好
0 留言
10 瀏覽
0 讚好
0 留言
6 瀏覽
0 讚好
0 留言
0 瀏覽
0 讚好
0 留言
張貼
