甜圓坊

營業中

休息中

聽聞深水埗這間「甜圓坊」的台式甜品唔錯，但第一次中午去時只有鹹食而未有甜品供應，因此未食便離開，日前下午三、四點去到，終能一試其甜食的實力。當天未有吃午飯，加上menu上又大力推薦，便叫了一碗手工滷肉飯。收三十元，但份量卻較一般台食店大，味道更有驚喜。滷肉帶肥夠油潤，汁亦夠味濃，伴飯一流。加上個飯連埋滷蛋同黃瓜一齊上，感覺好豐富。之後便試最想吃的嫩仙芋奶凍。賣相唔錯，入面有芋圓、地瓜圓、無餡湯圓及紅豆等九種用料，相當豐富。然而，我吃不出其芋圓及地瓜圓味道上有何分別，或許是芋頭及蕃薯的比例用得不夠多吧。至於口感都算Q，但與同區的康瑞涼茶（好似改了名叫康瑞甜品）的芋圓相比卻遜了一籌。另外，我認為用「奶凍」呢個名字是有問題的，因為碗入面並冇我想像中的奶凍，只有仙草而已。