鮮芋仙 (已搬遷) 新店位置

七夕個晚出去尖沙咀食飯，食完飯諗住食埋糖水，講到台灣芋圓就諗起呢間鮮芋仙啦。等左20分鐘有位，入座前落單得45分鐘食。招牌仙草冰沙 4.5/5等到大汗淋漓，整返碗沙冰消暑解渴，仙草好滑，芋圓軟綿綿咬落去又唔會硬骨骨，真係與別不同，所以點解咁出名真係有原因。佢另外附上嘅花奶倒落去沙冰度，令到沙冰除咗仙草味仲有牛奶味，真係好好食。熱芋圓紫米粥 4/5唔同坊間嘅紫米露唔會好紫色，溝咗紅豆落去煲，係偏向紅色，比較浠唔會太杰，符合紫米粥而唔係紫米露。又唔會太甜，無論熱嘅芋圓同凍食，都係咁出色。地點:厚福街，位置方便又易搵，附近又多嘢食又有酒吧。環境:白色嘅色調，光猛舒服，但同隔籬枱有啲近。價錢:物有所值，$45係值得比，芋圓真係好出色。服務:都OK，就嚟夠鐘嘅時候見落雨，都冇即刻趕我哋走，等細雨少少先走。