皇室甜品 (已結業)

食完串燒，覺得自己好熱氣，簡直會噴火的龍，心中大叫 “i want sth cold! ”出到路口，見到不遠處就是皇室甜品，成10：30都仲好旺，就係咁我地就揀左呢間啦！原來呢度有甜品放題供應，坦白講，放題大家預左咩質素啦！打開餐牌選擇都唔少，咁我地就一人叫一個啦！我這條噴火龍，叫左白雪黄金卷，即是芒果腸粉吧！內饀的芒好香甜又夠熟，包住芒果餡的外皮係椰汁做的，味道相對下味道唔太明顯了，不過芒果好清甜，而且無額外加甜，比較自然，所以我都buy!朋友的楊枝金露！又係香甜的芒果做主打，凍冰冰仲有爆珠，柚子肉，成個感覺好圓滿而不會好甜膩！真係芒果萬歲！宇治金時，嗯！抹茶雪糕味好淡，不過冰打得好細碎，我喜歡大粒的紅豆充滿嚼頭但有點過甜吧！另外小丸子煙韌彈牙，口感都好討好！朱古力心太軟，配兩球自選雪糕心太軟略Overcook, 流心量不高，但尚算香濃，多吃有點膩！叫左幾款來說，本人最愛芒果的甜品！因為甜度自然，又夠熟，其他就相對地失色左少少！之前70幾蚊放題真心幾抵食，因為單點都近40蚊一客！