影片
更多
2014-01-17
7990 瀏覽
半島酒店喺1928年開業，係香港首屈一指既五星級酒店，經常都有唔少本地甚至外國名人嚟到半島用饍或者住房。大家都聽聞過半島服務水準好同食物質素高，然而半島對於部分人都係一個卻步既名字，因為唔少人都認為半島花費會好貴。半島酒店內可以食到唔同國家菜式兼具質素既餐廳，例如法國菜既felix、gaddi's 西餐廳，亦有imasa呢間日本料理、奶皇月餅經常被搶購一空既粵菜嘉麟樓、仲有chesa 呢間主打瑞士菜既餐廳。一提起瑞士菜，大家會第一時間諗起啲咩？相信唔少人都會話係芝士火鍋，其實又點止芝士火鍋咁少呢？既然天氣寒冷，決定同朋友去半島食番餐瑞士菜，進行一次尋味之旅。半島聖誕裝飾半島christmas decorations 好靚，佈置既星星"閃耀"著四周，令人仿如置身童話裡。Chesa 門外有雪境同火車既佈置，我望住架火車不斷循環行駛，諗番起細細個都好鍾意玩火車，玩一陣就已經可以好開心，童年既快樂其實真係可以好簡單。我大約一星期前訂位，到達後等多大約十分鐘就可以入內。Chesa 係由一道頗為細既門進入，感覺好似去到瑞士既農舍，一入到去會有大爉燭，環境幾浪漫，餐廳內唔算太大，大約可以坐50人左右
半島聖誕裝飾
半島christmas decorations 好靚，佈置既星星"閃耀"著四周，令人仿如置身童話裡。
Chesa 門外有雪境同火車既佈置，我望住架火車不斷循環行駛，諗番起細細個都好鍾意玩火車，玩一陣就已經可以好開心，童年既快樂其實真係可以好簡單。我大約一星期前訂位，到達後等多大約十分鐘就可以入內。Chesa 係由一道頗為細既門進入，感覺好似去到瑞士既農舍，一入到去會有大爉燭，環境幾浪漫，餐廳內唔算太大，大約可以坐50人左右。服務方面經理同侍應都殷勤有禮，會講解menu 上既食物款式之外亦會主動加水，當有客人要求為他們拍照經理亦會十分樂意。
Bread basket
麵包籃上有三款麵包，分別有類似pretzel既麵包、sourdough同 bread rolls等。整體麵包溫度唔算熱，不過都幾軟熟同有小麥既香味。Raclette du Valais ($160)
除左Crab meat pancake 之外，Raclette du Valais 都係Chesa 一道不能錯過既starter。Raclette cheese 係源於瑞士高山，Chesa既raclette du Valais做得唔錯，芝士鬆軟得嚟芝士味非常香濃，而且有種raclette cheese獨特既鹹香。刮下碟上芝士混入其他配料例如新薯、洋蔥、黃瓜同蓄茄一齊食，芝味無窮，滋味十足。不得不讚既亦都有新薯，new potato外皮十分薄，而且爽脆兼juicy，好有口感而且好好食！Fondue Montagnarde ($250)
Chesa 主要有兩款芝士火鍋選擇，分別係Fondue moitie-moitie同埋Fondue Montagnarde，同朋友選擇左後者。 Fondue Montagnarde 其實即係Emmentaler、Appenzeller 同Gruyère 三款芝士混合，加上煙肉、法包、macaroni 同埋薯仔。小小提示：由於芝士火鍋內係有白酒，而且白酒係會帶有少許苦味，所以大家如果唔鍾意有苦味可以向經理或者waiters 提出減少白酒既份量。芝士火鍋入面既芝士係幾香，但其實唔算太濃味，不過都唔會太膩。煙肉帶有既鹹香豐富左味道既層次感，macaroni 亦都做到al dente，彈牙得嚟唔會太腍同太硬，薯仔都係juicy同埋fresh。Emince de veau zurichois ($360)
主菜方面Emince de veau zurichois 唔錯，其實即係瑞士薯餅配牛仔肉。牛仔肉既肉質非常嫩滑，完O3唔會chewy，薯餅用上新鮮薯仔切絲去煎，煎得幾香脆，而且唔會好似有啲食店既薯餅咁一咬就成口油，唔會太油膩。而牛仔肉配上既light cream sauce，感覺輕盈同creamy，同牛仔肉好match。Petit four
Petit four 有兩款，一款係方形橙味既餅，橙味幾香而且幾chewy，另外一款係軟心朱古力，入面有果醬，兩款都做得幾出色，為呢一餐劃上一個完美既句號。Chesa 確係香港瑞士菜中，做得數一數二咁好既一間餐廳，質素高但價錢係處於一個好合理既水平。我本人好鍾意芝士，呢一晚同朋友喺呢一間幾款芝士菜式都做得出色既餐廳確係食得十分快樂，滋味無窮。人愈大，同朋友聚舊既機會就會愈嚟愈少，始終大家返學或者上班既時間都好難相就，甚至有啲朋友喺外國讀書，一年可能先見到一、兩次。所以呢一晚喺Chesa 一邊食出色既菜式，一邊同超過一年無見既朋友相聚聊天，笑談往事，計劃未來，十分滿足。願大家友誼永固。
張貼
