小豬豬麵包店 (已結業)

已經過咗幾個月, 估唔到仲係得我嗰一篇食評... 東大街嘢食不嬲都紅得好快， 成日都有網媒追捧 。可能呢間麵包店太低調，到而家都唔係話好多街外人識。麵包定價係比其他港式麵包舖貴，但係相比起佢嘅用料呢個價絕對係值嘅~新推出咗一個以菠蘿同cream cheese做餡嘅包 。老闆好大方畀我哋試食，而且每一個試食嘅份量都好大舊 。呢款包同我之前推介過嘅芒果芝士包一樣都係凍食嘅， 16蚊一個夜晚就買三送一，所以計返都係12蚊嘅啫。拳頭咁大個包~上面嘅糖霜令到個包就好似雪山咁樣。 老闆用保鮮紙包住，等佢喺雪櫃度放都唔會乾身。不過佢都好強烈建議大家即日食用~ 對自己嘅出品好有執著㗎cream多到爆出嚟~個包超級 spongy， 切完咬完都仲係脹卜卜比起上一次食今次兩個包嘅cream cheese味明顯都係濃咗嘅~配菠蘿酸味超match~餡料好足。食完超飽~芒果味一樣咁正~咬到少少未打爛曬嘅芒果肉 ，證明佢真係真材實料希望其他食家除咗跟風走去食雞蛋仔打卡，都可以試下啲新嘢（ 要整成幾粒鐘但係仲平過你底雞蛋仔）~