米走雞Deluxe (已搬遷) 新店位置

同朋友行銅鑼灣，週邊開咗好多新型食肆，但最後都選擇了呢間米走雞，可能係閒日，都唔使等位就可以即刻入座，之前朋友食過話如果兩個人食半隻芝士雞都已經好漏啦，不過我係都唔甘心點都要嗌啲配料打吓邊爐先過癮， 不過其實朋友講得啱，因為個芝士雞真係好漏，半隻雞兩個人都食唔曬，勁多芝士拉到絲，同埋洋蔥。不過啲雞都好滑，煮極都唔鞋，可能係急凍雞啩，因為我同朋友發現雞嘅部位主要係雞脾同雞胸，沒有其他部位，好奇怪。牛舌打邊爐就麻麻地，好un。如果鍾意食芝士，剩係食雞ok喇。