初凝 · 芝茶 (已結業)

鋸完扒咁飽就去行下街，超級耐🈚️行過旺中，就上去睇吓。上到去一樓發現有個corner位原來係有幾間飲品同食店喺嗰度，組成左一個立食位。其中見到 《初凝．芝茶》好多人等，就行埋去睇吓。依間茶飲店係主打芝士奶蓋，啱晒我啦😍😍Order咗4⃣️杯飲品拎返去同屋企人share☺️🥤激邪惡芝士黑糖珍珠鮮奶，又真係幾邪惡‼️係一杯黑糖珍珠鮮奶上面加上濃厚嘅芝士奶蓋最後再灑上Oreo碎😍 珍珠就煙靭‼️鮮奶夠香濃‼️芝士奶蓋好creamy亦都非常重芝士味🤩🥤初凝芝雪中送士多啤梨係士多啤梨沙冰加芝士奶蓋，每一啖都有好香濃嘅士多啤梨味，仲食到士多啤梨肉添‼️🥤初凝芝阿華田脆脆係一杯特濃來阿華田配芝士奶蓋，最後灑上朱古力脆片‼️大人同小朋友都鍾意飲❤️初凝鮮果茶大杯裝真係超級大杯，有成1⃣️公升咁多😱而且又足料，一杯有齊蘋果、橙、檸檬、西瓜同西柚肉，而且茶底係加咗果汁，唔會淡而無味😋