Pizza Maru (荃新天地)

營業中

休息中

😈成個新年最邪惡嘅一次! 芝士瀑布Pizza 🍕 呢間主打西韓Fusion菜既韓國過江龍餐廳一直都好想試，今次終於約咗朋友一齊嚟！雖然佢哋嘅午市套餐真係幾吸引好抵食，但嚟到梗係要食佢哋出名激多芝士夾心嘅芝加哥薄餅系列啦！我哋揀咗韓國烤肉芝加哥，即叫即焗需時大約30分鐘，批底係Maru特製番茄醬，醬汁好豐夠晒Juice，而且酸酸甜甜好開胃，上面既烤肉選用嫩滑既小牛排部位，再加上辣肉腸真係好惹味！一拉起塊pizza嘅時候見到啲芝士咁澎湃真係好興奮🤩第一次食呢款Pizza，覺得佢特別彈牙有口感！原來係用韓國直送既黑米搓製發酵而成，加入雙倍Mozzarella芝士所以成個批入面都係芝士🧀鍾意到飛起！批邊仲用咗糖霜做點綴，食到邊邊位嘅時候仲有啲似食緊法式可麗餅嘅感覺！鍾意食芝士嘅朋友千萬不能錯過呀🤩我哋仲叫咗蜂蜜牛油秘製炸雞🍗賣相好吸引！外皮脆到好似食緊薯片咁，重點每一件雞咬開嘅時候都見到裏面仲係好多肉汁既精華、口感嫩滑！不得不讚韓國炸雞真係做得好出色！食得咁邪惡嘅嘢點少得配返杯冰凍又解渴嘅飲品🥤我哋揀咗蜜桃茶同埋菠蘿梳打!兩杯都好好飲，有水果味唔會太甜！食下傾吓又過咗一個開心嘅lunch ti