飯意主題餐廳 (已結業)

一入嚟以為成間餐廳得飯食🤣，原來除咗飯之外佢哋仲有好多選擇㗎，店員推薦佢哋嘅新菜單「秋夏傾城三重奏」，入面有意粉、鐵板飯等等。今次就叫咗佢哋嘅地獄溫泉蛋重量級肥牛鐵板飯（$58）（個名好長🤣！）、蟹籽·煙三文魚瀑布厚多士（$38）同埋熱熔芝士鐵板熔岩蛋漿飯（$108）。·值得一提嘅係佢哋每樣嘅份量都係超多，鐵板飯完全可以一塊牛一啖飯咁食到最尾；而蛋同煙三文魚嘅配搭完全係無得輸，份量同味道肯定唔係hea你先😍😍！其實作為芝士同蛋嘅擁躉，我認自己對呢間餐廳好有bias，因為佢蛋同芝士嘅份量真係毫不吝嗇🤩。如果你同我一樣係對芝士、蛋同鐵板毫無抵抗能力嘅，呢間餐廳就一定要去試下🤤！