八番麵工房 Deluxe (已結業)

今日經過上水廣場，突然想食拉麵🍜，所以去咗「八番麵工房」食 lunch。Lunch set 有5款，點了「芝士豬肉堡拉麵」另加配日式煎餃子🥟3隻。拉麵🍜嘅豬骨湯底幾濃厚，拉麵嘅質地比較軟身，啱我口味，因為對麵質嘅要求真係人人都唔同。「芝士豬肉堡」係另上嘅，炸得好香脆，豬扒同炸漿之間包著芝士，所以會帶點creamy口感，外脆內軟，好味！日式煎餃子🥟亦係外脆內軟，煎得幾乾衣，咬落去唔會有油膩感。見隔離枱食丼飯，下次可以嚟試吓！