華園餃子館

營業中

休息中

去過幫襯幾次，基本上無論叫咩都係好食嘅。個人印象最深刻嘅係韭菜或者西洋菜豬肉餃子🥟感覺好入味好香而且入邊有汁，食完一份八隻會仲想繼續食。如果想試晒咁多隻口味嘅餃子，可以order十三么餃子，有齊晒店舖嘅咁多隻味。不過我個人都係比較鍾意韭菜同西洋菜。另外都非常鍾意芝士豆腐魚餅，鹹鹹香香，魚餅加埋豆腐都好彈牙同埋嫩滑，雖然佢係炸，但係完全唔會令到佢好老。總之就好鬼好食😋基本上每次去都會叫。另外叫咗蝴蝶腩，俾佢個名呃咗，齋睇個名以為係牛腩，食到最尾先知道係豬肉，難怪沒有牛肉味，個人覺得可以接受，啲肉其實都係鞋的，味道也不算很入味，實質只係得幾舊豬肉，下面都是放了一些菜，這個價錢來說，覺得唔抵食，所以不推薦。另外有叫過呢度嘅酸辣湯，酸辣湯唔錯，辣味同酸味都相當適中，材料都算可以接受，有木耳，魚肚。同埋都有叫過一個係豆漿咋鹹湯，個人係第一次食，鹹鹹香香落咗啲蝦米咁樣囉，個人覺得一般。