翠苑甜品專家 (書局街)

營業中

休息中

【芝麻燉奶】 HKD22燉奶就食得多啦！芝麻燉奶就好少聽，原本諗住佢只係將啲芝麻糊鋪係面就交貨，點知出乎意料地😯佢係好似心太軟嘅做法咁，芝麻糊係係中間，有啲驚喜。原本仲以為佢黎錯左個普通燉奶😅而平時燉奶一向食開熱，感覺順滑啲。但係今次叫凍都夠滑喎👍🏻而且芝麻味亦冇蓋過燉奶嘅味道，又唔會太甜，估唔到幾match bo。之前其實都同大家介紹過間好出名嘅燉奶，但係實在貴得太離譜啦🤷🏻‍♂️相反，依間唔差之餘，仲好平民。