影片
更多
2021-09-14
38 瀏覽
首先，我係外賣返屋企飲嘅，要讚下就係呢杯野送到果陣個狀態仲非常之完好。我嗌左嘅品項係芝麻烏龍鮮奶茶加芝士奶蓋再加雙料丸子。先講佢嘅芝士奶蓋，味道偏淡，唔鹹亦都唔甜，食到芝士味，但唔明顯，唔推薦加購。其次，佢嘅烏龍茶好飲，茶味濃，唔澀，因為嗌左少甜，對我黎講甜度啱啱好，相信其他茶嘅品項都值得一試。鮮奶方面，我唔係好飲得出，得尾段有少少奶感，所以如果係想飲濃郁鮮奶嘅可以唔使期待。然後，呢杯嘅重點，芝麻嘅表現唔錯，不過其實我麻麻地芝麻。芝麻味非常之重，我個人覺得重過頭，因為攪拌完之後飲到嘅基本上得芝麻味，茶嘅味道基本上已經冇左。我相信鐘意芝麻嘅會十分鐘意，但係我本人就還好。推薦芝麻愛好者試下。最後係啲料嘅部分，正常叫嘅話入面係用麻糬代替珍珠。不過我嗌左雙料丸子，一開始仲以為係佢啲麻糬入面包左餡，到左先發現雙料嘅意思係珍珠同麻糬都有。珍珠本身冇味，口感煙韌，唔會過硬，係我鐘意嘅口感，不過有啲會痴埋一舊，呢度扣少少分。麻糬口感較軟，咬落去之後就斷，唔似珍珠咁有煙韌嘅感覺，食到少少麻糬本身米嘅味道，佢本身都有少少嘅甜味。我覺得雙料丸子嘅口感會豐富啲，大家可以依自己喜好嗌。總結，成杯野飲飲起黎都唔錯
我嗌左嘅品項係芝麻烏龍鮮奶茶加芝士奶蓋再加雙料丸子。
芝麻烏龍鮮奶茶
$39
3 瀏覽
0 讚好
0 留言
先講佢嘅芝士奶蓋，味道偏淡，唔鹹亦都唔甜，食到芝士味，但唔明顯，唔推薦加購。
其次，佢嘅烏龍茶好飲，茶味濃，唔澀，因為嗌左少甜，對我黎講甜度啱啱好，相信其他茶嘅品項都值得一試。
鮮奶方面，我唔係好飲得出，得尾段有少少奶感，所以如果係想飲濃郁鮮奶嘅可以唔使期待。
然後，呢杯嘅重點，芝麻嘅表現唔錯，不過其實我麻麻地芝麻。芝麻味非常之重，我個人覺得重過頭，因為攪拌完之後飲到嘅基本上得芝麻味，茶嘅味道基本上已經冇左。我相信鐘意芝麻嘅會十分鐘意，但係我本人就還好。推薦芝麻愛好者試下。
最後係啲料嘅部分，正常叫嘅話入面係用麻糬代替珍珠。不過我嗌左雙料丸子，一開始仲以為係佢啲麻糬入面包左餡，到左先發現雙料嘅意思係珍珠同麻糬都有。珍珠本身冇味，口感煙韌，唔會過硬，係我鐘意嘅口感，不過有啲會痴埋一舊，呢度扣少少分。麻糬口感較軟，咬落去之後就斷，唔似珍珠咁有煙韌嘅感覺，食到少少麻糬本身米嘅味道，佢本身都有少少嘅甜味。我覺得雙料丸子嘅口感會豐富啲，大家可以依自己喜好嗌。
總結，成杯野飲飲起黎都唔錯，杯野嘅顔值好靚，價錢都算係咁。值得一提嘅係啲芝士奶蓋攪埋落去之後，芝士嘅味道反而突出左，令到杯野飲嘅層次豐富左，唔係嘅話杯野飲嘅味道略嫌單調，全程凈係飲到芝麻味，其他味道都被掩蓋左。如果係你係芝麻愛好者，唔使猶豫，即刻去試下。如果你係打卡愛好者，都可以試下。但係如果你兩者都唔係，咁你就要考慮下你想飲到啲咩味，再決定試唔試。
張貼
