屋喔 (已結業)

一年一度既花展又到，閒時都鐘意攝影，今日同朋友一齊去影花，影到咁上下，當然要醫下肚，附近金佰利廣場超多食店，緊係喺度食埋飯先散band 啦！朋友之前喺旺角食過呢間ocasa 覺得幾好食，所以佢揀左呢間ocasa ！蒜片明蝦蒜香味濃郁，帶少少酸味，更加開胃，做前菜小吃最適合不過，而且蝦都好大隻，亦都非常爽囗，加上翠肉瓜，帶少少清新減膩招牌屋喔牛肉麵一碗出色既牛肉麵湯，湯底最為重要，呢碗牛肉麵湯底有濃濃既牛肉味，亦都加入秘製醬汁，令湯底非常出色，牛肉份量非常多，肉厚多汁，而且麵條煙韌彈牙，好有口感珍珠奶茶茶味香濃，唔會好甜，有正宗台式珍珠奶茶既味道呢間餐廳有西式又有台式，食物味道一流，服務都唔錯，唔怪得之朋友之前食過又再食，果然冇介紹錯！