串燒王 (建基大廈)

營業中

休息中

為咗花甲粉而來，呢間串燒王之前喺朋友屋企都會叫外賣，叫返廿零串串燒一邊飲酒一邊食，佢啲串燒質素都唔錯，上次睇餐牌已經見到佢有花甲粉，今次帶埋小朋友去朋友屋企之前，一於堂食試下。花甲粉初初以為唔係好辣同埋細細碟，點知越食越辣，超多花甲喺底，粉絲食極都仲有，最鍾意佢有大量蔬菜，不過對於小朋友嚟講真係比較辣咗啲，但我就食得好過癮，好彩有另外叫咗一碟炒米粉比小朋友。炒米粉又係超大碟，炒得好乾身，仲有洋蔥絲炒蛋碎同埋小朋友最鍾意嘅腸仔。串燒因為同小朋友食就唔叫咁多，叫咗兩場雞翼仲有一串牛脷，同埋一串芝心丸，之前食過都係有質素，今次味道依舊，好惹味。