White Hse. (已結業)

嚟開銅鑼灣，想去打卡cafe食嘢，搵左呢間花花少女風嘅cafe，鐘意呢到坐喺個位到都打卡影靚相，整間餐廳都有好多花飾圍住，如果坐窗邊bar位仲可以望住大海😍全部菜式都用咗食用花作點綴，超吸睛！更將中西菜式mix & match，大膽創新得嚟又好味～夠薑蔥爆你⭐️⭐️⭐️將薑蔥crossover意粉嘅一道菜，估唔到薑蔥同意粉可以咁夾🤣食落去好香濃嘅薑蔥味，意粉上嘅油應該係橄欖油嚟，仲有啲雜菌令意粉食落唔會好油膩，個人好鍾意，食到停唔到口～二重奏忌廉芝士煙肉短管粉⭐️⭐️⭐️鐘意芝士嘅要試呢個，好濃芝士味，用咗車打芝士同巴馬臣芝士，加埋忌廉汁好creamy，仲有拉絲效果～記得要趁熱食😋而短管粉就硬咗少少，可以煮耐啲。碟豆花綠茶⭐️⭐️⭐️碟豆花mix蜂蜜綠茶，好適合食完芝士解膩感，蜂蜜味較重，但我鐘意😆漸層效果好靚，杯野點影都靚～玫瑰花釀紅茶⭐️⭐️⭐️⭐️超多玫瑰味糖醬喺底，要一路飲一路攪勻～mix完之後好好飲，玫瑰同紅茶好夾，好清新❣️