肉餅哥小炒料理 (已結業)

終於有機會黎食肉餅哥啦, 之前聽佢個名都聽唔少.前兩日剛好有機會同朋友一齊黎試下傳聞中的肉餅, 果然完全冇令我地失望!我人生中認識的 “肉餅” 都係得果4,5款.但原來老闆竟然創造出咁多唔同風格同特色味道的“肉餅”, 果然厲害!足三兩花膠肉餅 配 南瓜粥花膠份量好足好澎湃, 足足有三大舊! 而且燘得好腍好軟滑, 入口滑嘟嘟,膠質非常重非常黏稠，啖啖都好漿口, 感覺超養顏~而底下的蒸肉餅都一樣咁大件, 差不多有一吋厚. 肉餅的肥瘦肉比例配得剛剛好, 所以入口感覺好鬆軟，唔會硬實實地。可能因為沒有落太多的味精調味料的關係, 反而肉的甜味好突出. 而南瓜粥煲得好軟綿, 淡淡的南瓜味.