紅火鮮料火鍋專門店

營業中

休息中

太耐冇打邊爐，所以今晚就同男朋友出街打邊爐，本來想去牛大人，不過因為太多人，所以行左去兆萬搵，在樓下睇左一陣，見成日去壹火鍋，今次就試下第二間，因為時間都唔早，我見10:30後就可以食3小時，所以揀左呢間紅火，一出lift見到個環境其實唔太好，不過都幾多人食，我哋都要等左一陣先有位，坐低後就叫揀左個花膠海鮮煲，個煲一嚟到，我自己都覺得幾足料，有2大塊花膠，2隻蝦同幾隻蜆，D蜆好鮮甜，蝦又好新鮮，個湯係勁好味，本來諗住任食D質素應該麻麻，但佢呢個湯真係可以比美出面散叫果D花膠雞湯煲，真心值得推介，我哋加錢（每人$30）食埋刺身，不過其實刺身唔太好食，冇乜味嘅，所以決定下次再來就唔駛再加錢食刺身，火鍋配料都係大部份任食店有嘅嘢，另外一樣要讚係手打蝦丸同墨魚丸，蝦丸堅有蝦，2款丸都係爽口美味，因為覺得D蝦同蜆唔錯，所以叫左幾轉，牛就差左D，但黑毛豬肉反而仲好味！