大笪地火鍋 (已結業)

原來起旺角油麻地之間嘅商場上，有間裝修成大笪地嘅火鍋鋪，地道風味。有個位置整到成個攤檔賣花膠一樣，哈哈原來真係有得賣。地度嘅裝修，調味料亦係基本的。呢度嘅賣點就係花膠湯底，當然要試一試，仲係花膠煲雞，真係貨真價實、真材實料。睇過樣就知道好濃嘅雞湯啦，而且仲好多花膠，仲有半隻雞。所以未開始打邊爐已經飲咗好幾碗雞湯。有花膠梗係要配啲高貴嘅海鮮啦，有鮑魚同大嘅馬貝。馬貝真係好大隻，又多肉又新鮮，滾一陣已經可以食，鮮甜又爽口。另外，仲叫咗大大隻嘅花竹蝦，真係有大隻又新鮮，仲郁架。有6-7吋長，啖啖肉又爽口，我覺得好食過賴尿蝦，當然各有各口味啦。海鮮過後，都有叫啲清啲嘅，有新鮮淮山。當然亦有菜啦。