潮州人 (已結業)

聽講呢間嘅花膠米粉幾出名，我趁公眾假期晚飯時間去試吓。我唔算喺最繁忙嘅時間去(大約6點幾)，咁啱店內坐滿人，要企喺街度等。好彩當時冇乜陽光，未至於覺得太熱😬▫️招牌花膠米粉 (HKD53) - 加了$8轉雙拼(手切肥牛)。可能係雙拼嘅關係，花膠size比我睇相片嘅小。花膠咬落幾爽口同埋冇乜味道。肥牛肉質地較鞋🙈🙈，早知就咁叫花膠米粉算啦。門口餐牌寫住湯底每日用鮮雞煲製，但我就覺得冇乜味道🤔🤔米粉好幼身，軟綿綿咁我幾鍾意食。份量我覺得細咗啲，食唔飽呀😂😂😂😂 ▫️溏心醉蛋 (HKD18) - 酒味好夠，對溏心效果幾滿意，係成餐飯最有味道嘅食物。