花臣車仔麵 (已結業)

周五晚上，黎左黑布街搵食，見到間新開無耐嘅花臣車仔麵。門口收銀位有點餐紙，先付款。花臣車仔麵配料新穎多選擇，咸蛋蟹肉勁特別。湯底同調味醬料都比外間多選擇。點完餐就可去自助取餐區等取餐。餐廳有兩層，樓上雅座。我地選左樓上雅座，以彩色磚牆佈置，呢度食完要自己有手尾分番廚餘、餐具，分別放好。麥精+$11 呢度有支裝麥精提供就梗係要飲啦。凍柚子蜜 + $8車仔麵叫左一碗烏冬、一碗薯粉（麵底$10）蝦湯湯底好濃郁，仲可以加芝麻、炸菜。芝麻配蝦湯又幾惹味。蝦餅彈牙、墨汁墨魚餅有花枝碎碎，彈牙有咬口、鵝腸+$12鹵得好入味、最驚喜係食車仔麵都食到黑椒牛柳粒+$12蝦餅+$12同墨魚餅+$12都好好食。薯粉採用最幼身嘅薯粉，份量超大碗。巨型蟹棒+ $8同筷子差唔多長，大大條好滿足。單骨雞翼 $20炸得香脆，食得好方便。