影片
更多
2021-11-17
976 瀏覽
餐廳：蘇杭冰室 (旺角)地址：旺角豉油街60-104B號鴻都大廈地下9-10號舖呢間佔地接近3000呎嘅蘇杭冰室 @jervoiscafe 由上環蘇杭街開到嚟旺角👏，唔經唔覺原來已經開咗四個幾月。新穎嘅茶餐廳風格，糅合咗傳統冰室美食以及西式選擇，無論平時喺茶餐廳見到嘅食物，定喺高級西餐廳先有嘅扒類同意粉，你都可以喺度品嘗得到😍打開餐牌確實見到唔同嘅選擇，款款都好吸引勁想全部都叫🙈，例如招牌蔥花滑蛋飯系列、皇牌咖喱套餐、芝味麵餐、麻辣肉丁煲仔麵餐等，總有一款啱你食👍✝️炭烤西班牙有機豬鞍扒 $158西班牙有機豬隻純天然飼養，無加任何生長激素，以有機嘅飼料餵養，加上自由放養令豬隻嘅肉質結實、味道濃郁。餐廳用木板上，配上烤雜菜同炸薯條🍟，炭烤豬鞍扒嘅火侯就差咁啲🤏，近筋部位置烤得啱啱好，不過有啲位就烤得過熟，食落有啲嚡，但肉香同肉汁豐富，炭烤過程仲增加咗豬鞍嘅焦香感😌✝️意大利蕃茄汁海蝦意粉 $98意粉喺由意大利進口嘅，食落彈牙有咬口，掛上蕃茄汁食落酸甜開胃，海蝦有成四大隻🦐，新鮮爽口，仲加咗唔少香葉同香料🌱，唔錯😋✝️鰻魚炒蛋飯 $68成餐飯最有surprise👻，$68但喺鰻魚勁大條，而且鰻魚
地址：旺角豉油街60-104B號鴻都大廈地下9-10號舖
呢間佔地接近3000呎嘅蘇杭冰室 @jervoiscafe 由上環蘇杭街開到嚟旺角👏，唔經唔覺原來已經開咗四個幾月。新穎嘅茶餐廳風格，糅合咗傳統冰室美食以及西式選擇，無論平時喺茶餐廳見到嘅食物，定喺高級西餐廳先有嘅扒類同意粉，你都可以喺度品嘗得到😍
打開餐牌確實見到唔同嘅選擇，
款款都好吸引勁想全部都叫🙈，例如招牌蔥花滑蛋飯系列、皇牌咖喱套餐、芝味麵餐、麻辣肉丁煲仔麵餐等，總有一款啱你食👍
✝️炭烤西班牙有機豬鞍扒 $158
西班牙有機豬隻純天然飼養，無加任何生長激素，以有機嘅飼料餵養，加上自由放養令豬隻嘅肉質結實、味道濃郁。
餐廳用木板上，
配上烤雜菜同炸薯條🍟，炭烤豬鞍扒嘅火侯就差咁啲🤏，近筋部位置烤得啱啱好，不過有啲位就烤得過熟，食落有啲嚡，但肉香同肉汁豐富，炭烤過程仲增加咗豬鞍嘅焦香感😌
✝️意大利蕃茄汁海蝦意粉 $98
意粉喺由意大利進口嘅，食落彈牙有咬口，掛上蕃茄汁食落酸甜開胃，
海蝦有成四大隻🦐，新鮮爽口，仲加咗唔少香葉同香料🌱，唔錯😋
✝️鰻魚炒蛋飯 $68
成餐飯最有surprise👻，$68但喺鰻魚勁大條，而且鰻魚香味濃郁滋味，蛋滑嫩而且唔喺全熟，
我最鍾意呢個質感😆，如果啲汁無咁鹹就perfect🤭
跟餐叫蘇杭特飲加$20，叫咗杯藍莓燕麥奶茶同班蘭紅豆冰，配搭幾特別🤩，我飲嘅喺班蘭紅豆冰，飲落有陣陣天然芳香味，配埋紅豆冰甜甜哋，紅豆份量仲唔少😎，唯獨啲冰多咗啲🧊，好快溶令飲品嘅味道變淡
張貼
