蕃滿門 (已結業)

大熱天時胃口不佳，於是提議去蕃滿門，諗住蕃茄呢類酸酸甜甜嘅野會比較開胃。叫得蕃滿門，餐牌當然俾蕃茄佔據，款式同茶餐廳唔有太大分別，只係以蕃茄做主打。牛肚炆得好「林」，份量頗多，辣味十足，唔食得辣嘅朋友唔好輕易試，我食到出哂汗...湯底幾濃蕃茄味，偏甜唔夠酸，至於螺絲粉同湯底幾搭，亦唔會浸到漲哂，唔錯。其實唔記得名稱同確實價錢，叫總匯係因為咩都有，鴨胸、蟹柳、牛丸等等，湯底叫小辣更加惹味，但公仔麵本人應覺冇螺絲粉咁夾。同埋呢碗份量大好多，女仔一個絕對食唔哂！蕃茄湯幾夠味，最愛係上面嘅滑蛋，多了點蛋香同口感。雖然唔連飲品，但價錢合理，質素都唔錯