新都會大酒樓 (已結業)

朋友甚喜飲茶, 故lunch一有兩個小時, 都會驅車下山, 飲啖茶度下波至上堂。最近光顧最頻的, 是北角的這兒。地方幾大, lunch hour等一等就有位。食物分tick點心紙及出面檔仔自取, 其中以自取的食物比較出色。豬紅十二元大大碗, 雖然唔知點解一條韮菜都無。煎薄撐為我最愛, 煎得香脆得來不失煙韌口感, 蔥又多, 是吃完一件接一件的選擇。皮蛋瘦肉粥的皮蛋香濃, 加上茶櫻薄脆, 也是我encore的一味。點心質素只可用"不過不失"形容, 個人建議少叫為妙。炒粉炒飯偏勁多油, 次次都夾硬食埋, 又唔係平, 不要浪費。茶壺感覺污糟, 洗手間長期濕立立, 扣分。兩點多我地走時, 門口眾集了老人家們, 想這裡的下午茶應該幾抵食。