影片
更多
2018-04-28
2902 瀏覽
茶都可以成為火鍋店既主題？無錯！四季文昌旺角分店最近同茶作合作，火鍋底同產品通通帶有茶既元素，唔食火鍋既都可以去入面既Pop-up Store買茶葉或者茶作雪糕🍵對於平時大愛抹茶、焙茶、伯爵茶、普洱茶、鐵觀音茶等等，自認係茶控既我黎講都真係幾吸引😂👁🗨 四季。茗茶火鍋套餐（2-3人）（7.5/10）💲528呢度既二至三人套餐一如既往，都係兩個人再多少少既份量，三個人既話可以額外加啲野食🤔👈🏻椰子普洱文昌雞鍋 （半隻）係母親大人最鍾意飲既普洱做湯底，不過同平時飲茶一樣，一開始湯底茶味比較淡，後尾先浸泡得更濃，椰子味就唔會咁突出☕️但係當然為左符合大眾口味，呢個茶唔會係超級濃嗰種，唔駛太過擔心🙃至於啲雞同之前一樣，食落都係滑身👈🏻等湯底滾既時候，可以食呢個好似茶葉蛋咁既濃香大紅袍流心蛋（兩隻）小食先🥚大紅袍係烏龍茶既一種，蛋白帶有甘香既茶味，入面蛋漿唔算超級澎湃，但係都做到少少流心既效果，有別於坊間實心蛋黃🤗👈🏻呢個主打之一既茶作火鍋拼盤 （鐵觀音蝦丸拼豬肉丸、鐵觀音錦鏽福袋）都真係幾有驚喜，上層係錦鏽福袋，入面有芋頭粒，食落夠曬飽肚😍下層分別有蟹籽蝦丸同埋豬肉丸，前者茶味都幾香濃，後者相
👁🗨 四季。茗茶火鍋套餐（2-3人）（7.5/10）💲528
呢度既二至三人套餐一如既往，都係兩個人再多少少既份量，三個人既話可以額外加啲野食🤔
👈🏻椰子普洱文昌雞鍋 （半隻）係母親大人最鍾意飲既普洱做湯底，不過同平時飲茶一樣，一開始湯底茶味比較淡，後尾先浸泡得更濃，椰子味就唔會咁突出☕️但係當然為左符合大眾口味，呢個茶唔會係超級濃嗰種，唔駛太過擔心🙃至於啲雞同之前一樣，食落都係滑身
👈🏻等湯底滾既時候，可以食呢個好似茶葉蛋咁既濃香大紅袍流心蛋（兩隻）小食先🥚大紅袍係烏龍茶既一種，蛋白帶有甘香既茶味，入面蛋漿唔算超級澎湃，但係都做到少少流心既效果，有別於坊間實心蛋黃🤗
👈🏻呢個主打之一既茶作火鍋拼盤 （鐵觀音蝦丸拼豬肉丸、鐵觀音錦鏽福袋）都真係幾有驚喜，上層係錦鏽福袋，入面有芋頭粒，食落夠曬飽肚😍下層分別有蟹籽蝦丸同埋豬肉丸，前者茶味都幾香濃，後者相對地淡少少，但係都絕對滿足到我既茶癮🤓
👈🏻手切黑安格斯牛小排，一大碟有成二十幾塊，又係我呢個牛魔王出動既時候😏脂肪分佈呈現出大理石花紋，簡單黎講就係火鍋常見雪花肥牛既味道💁🏻♀️
👈🏻平時大愛貝類海產既我，見到呢碟上到檯仲好生猛係咁開合郁既紐西蘭月亮貝，對眼即刻發光🤣呢個即係平時既蛤蜊，洗得都幾乾淨，食落新鮮爽口無沙😚
👈🏻大大個日本直送野菜籃，入面有南瓜、金菇、生菜、娃娃菜等，蔬菜類一向索湯汁一流，所以全部蔬菜都帶有甘甘地既茶味，呢個配搭好少機會有得試😈
👈🏻一大餅扁身既稻庭烏冬，今次係索湯汁方面作用反而無咁大，烏冬唔會太濃茶味🤭可能因為茶係比較流質，而烏冬又比較滑身，夾埋一齊就無咩掛湯既成份啦
👈🏻強烈推介茶作雪糕三品（海南野生青金桔· 蜂蜜茉莉花龍珠‧大紅袍）🍨雪糕溶得比較快，尤其係擺係個有餘溫既爐隔離，所以進食既速度要快，幾秒鐘食三球無難度😎金桔感覺比較酸，但個人都鍾意酸野，有助減少火鍋飽濟感👽蜂蜜就甜甜地，帶有好突出既茉莉味，仲有香濃甘醇既大紅袍味，個人特別鍾意後兩品，配埋脆身既原味蛋卷同埋微苦既朱古力一流🙆🏻♀️
👁🗨 四季文昌椰青（7.5/10）💲45
大大個椰青好清甜，飲足全程去到食完火鍋都仲有剩，唔少得食埋入面既椰青肉，夠曬解渴🤪
🔛 整體評分（7.5/10）
張貼
