影片
更多
2013-07-13
497 瀏覽
今天已經係大假最後一日, 要好好享受吓先 。之前已經計劃好行程 - 做孝順女 - 早上同爹D媽咪去酒樓飲茶, 之後陪佢地去西環、西營盤買海味....不經不覺, 已經3:30pm, 個肚開始打鼓 。一直以來, 小妹都十分支持本土茶檔飲食文化, 港式絲襪奶茶、咖啡、鴛鴦、多士、三文治等等, 天氣不太熱我最愛於週末, 置身露天茶檔 ~ 大坑,中環, 深水埗 ~ 停下急促緊張的步伐, 叉叉電, 打打氣, 煩惱盡消, 感覺真爽 。不過今日天氣悶熱, 露天地方不宜久留, 想起朋友早前推介的樓上茶檔-瑞記, 但不知正確位置, 只記得上環.....行經皇后街熟食市場, 心想 "是這裡啦", 不過搞錯了。唯有上OR 確定位置, 啊, 原來位處市政大廈.....媽咪不太好茶檔飲食, 約好之後某地方集合。我同爹D兩人3:45pm到達, 正值街市洗地時間, 地下好濕滑及多番梘泡, 環境一般,.....唔理啦, 搵個位坐低先, 抬頭一望, 近廚房門旁邊掛住一個超大的手撕日曆, 挺懷舊(已經好耐冇見人用, 除咗D已日漸式微的舊式雜貨糧油店舖等)。好啦, 望吓個勁搶眼紅噹噹的餐牌, 只散叫沒有餐的, 食物
之前已經計劃好行程 - 做孝順女 - 早上同爹D媽咪去酒樓飲茶, 之後陪佢地去西環、西營盤買海味....不經不覺, 已經3:30pm, 個肚開始打鼓 。一直以來, 小妹都十分支持本土茶檔飲食文化, 港式絲襪奶茶、咖啡、鴛鴦、多士、三文治等等, 天氣不太熱我最愛於週末, 置身露天茶檔 ~ 大坑,中環, 深水埗 ~ 停下急促緊張的步伐, 叉叉電, 打打氣, 煩惱盡消, 感覺真爽 。
不過今日天氣悶熱, 露天地方不宜久留, 想起朋友早前推介的樓上茶檔-瑞記, 但不知正確位置, 只記得上環.....行經皇后街熟食市場, 心想 "是這裡啦", 不過搞錯了。唯有上OR 確定位置, 啊, 原來位處市政大廈.....媽咪不太好茶檔飲食, 約好之後某地方集合。我同爹D兩人3:45pm到達, 正值街市洗地時間, 地下好濕滑及多番梘泡, 環境一般,.....唔理啦, 搵個位坐低先, 抬頭一望, 近廚房門旁邊掛住一個超大的手撕日曆, 挺懷舊(已經好耐冇見人用, 除咗D已日漸式微的舊式雜貨糧油店舖等)。
好啦, 望吓個勁搶眼紅噹噹的餐牌, 只散叫沒有餐的, 食物價錢一目了然。
爹D點選了熱杏霜及占多。他認為杏霜夠香濃, 多士占醬份量十足, 面包夠厚, 顏色烘得啱啱好; 但明顯不是即叫即烘, 因即時放入口, 多士只是微暖, 略遜一籌。
輪到小妹的至愛出場啦, 奶茶! 我堪稱一名"奶茶痴", 每日都會飲番杯熱奶茶, 叉足電, 先開始應付忙碌的工作 。不過今日例外, 點了凍奶茶, 因我知老闆會用汽水樽裝住D奶茶, 然後放入雪櫃雪凍。果然啖啖原汁原味, 夠冰凍及奶夠幼滑細膩, 正。但我個人認為茶味再濃些會更好。
好啦, 期待已久的蛋牛包終於出場.....咦, 點解唔似食友推介: 用熱狗包? 可能當時只得老闆伯伯一個人, 要同時記客人的柯打, 同時要入廚房整嘢食.....算吧, 只好照食蛋牛治烘底 (蛋牛多)。
好奇心驅使下, 打開望吓D餡先, 一陣陣香氣湧出, 只見用料豐富, 再加入蔥花, 賣相吸引。一啖咬下, , 好味呀! 這次多士新鮮即烘, 面包夠厚更勝剛才的占多, 加上蛋牛餡不會太油, 蛋煎得好滑及蔥花味幽幽滲出, 層次及口感分明, 愈食愈停唔到口, 等耐少少都值得 。
張貼
