和府撈麵

營業中

休息中

之前經過見到新開張，兩個人諗住入去見到有一張卡位，但唔俾叫我哋坐，就叫我地坐單丁大家樂枱，而圓枱嗰啲又話for四個人，但係單丁枱係同啲隔離坐住個大叔好近，咁咪算囉走人，當時時間都係11點幾又唔係坐滿晒人又冇人等位都唔俾人坐，懶高竇。 今次姑且早D去試吓，佢俾咗坐面壁卡位，要咗兩個餐，佢早餐嗰個就$68一碗麵連炸豬扒。炸豬扒又薄又好油，啲面質地好普通湯又好淡，蕃茄香草好似係辣油加蕃茄咁樣。肥牛有多膏。最差係嗰個超值套餐$96和牛串燒五串，餐牌圖片好似好粗好大嚿，攞到嚟又細又幼，我手指尾都仲粗過佢，仲要唔係嚿嚿都係肉，有一半都係脂肪，又韌又盛根本搵笨七。真係純新屎坑試吓，完全中伏以後唔會再去。