蘭亭咖啡閣 (已結業)

今日跟太座嚟呢間老牌茶記幫襯。冇叫麵包蛋撻，亦冇叫茶餐或常餐，有點兒後悔...反而叫咗兩個碟頭飯。馳名嘅咖喱牛腩飯，咖喱汁望落顏色深深，但用羹嗶起嚟卻感到偏稀，食落亦感到唔夠濃稠，辣度OK夠，牛腩炆得唔夠淰亦唔夠入味，總括嚟講只算極普通...太座似乎唔多滿意自己叫嘅鮮茄蛋牛飯。自己試了幾口，蛋算滑，肉雖有經梳打洗禮，但未致於肉味全失，反而番茄嘅份量真係唔多夠。自己就覺得未至於太差，但太座就好似唔多老黎，可能佢比較喜歡D蛋跟D飯兜亂罷...茶走非常出色--- 香、滑且冇澀味，係近期飲過嘅比較出色之作...睇嚟未試埋佢哋嘅麵包蛋撻及茶餐，絕未可蓋棺定論...