深仔記茶餐廳

營業中

休息中

原來呢到新開左間茶餐廳，個裝修好靚!特別係個霓虹燈牌。叫左個蝦仁叉燒滑蛋飯，好足料，好多蝦仁同叉燒，蝦仁係大大粒，食落都幾彈牙。叉燒望落都好靚仔，邊邊仲有燒過，幾好食。飯中間會有甜豉油。蛋係好滑身好嫩。個蛋好好送飯，一啖接一啖咁食。乾炒牛河炒得好有鑊氣，一黎到就好香，牛肉份量都幾OK，又係咬落去好嫩口。完全滿足食茶記既心!!西多士好有驚喜，入面既花生醬係有埋花生粒，所以好有咬口，同埋更加香，配埋牛油同糖漿真係世界級好食!!推介! 奶茶紅豆冰都好好飲，茶底幾濃。