英記茶餐廳 (已結業)

茶餐廳不外乎炒粉麵飯，咖啡奶茶，估唔到一次機緣巧合令我覺得茶餐廳可有咁多元化~是咁的，新年來臨前行花市係指定動作吧，行了一陣子胃酸急call, 一條麻甩走去茶餐廳係個好選擇。相信大多光顧茶餐廳人兄都係睇下晚餐有咩選擇，無意中見到餐牌有全日早餐既出現，我當堂嚇一跳   然後就即刻叫。全日早餐包一杯熱飲( $62 ), 通常坊間配Era Grey 或Breakfast Tea反而我點了一杯港式熱奶茶，茶香又夠滑。不出十五分鐘全日早餐在我眼前，係夜晚食all day雖然好平常，但茶記食就真係第一次。全日早餐份量足料，多士，炒蛋，豬肉腸，火腿，薯仔粒，燒粟米等等應有盡有。炒蛋雖然蛋香不足，不過勝在夠滑；豬肉腸煎得香口，配烤蕃茄，青瓜這些配菜中和油膩感；邊吃邊回想起自己在英國背包旅遊經歷，也回味殖民地時美好回憶。