影片
更多
2012-07-05
113 瀏覽
小弟係七一無去遊行，反而同屋企人去下行山做運動，係城門水塘落去梨木樹食下午茶。其實平時食開五十嵐，因為真係好平，不過見到呢間君豪食軒，野食款式都幾多，所以入左去試下。望左餐牌，睇黎舖頭主打越式食物，下午茶有扎肉、無骨鳳爪、越式魚蛋、濛粉等。我自己叫左個常餐，即係粉麵加碟蛋，屋企人就叫左炒粉同湯粉，另外我地加個無骨鳳爪share食。食物質素尚可，跟平時的茶記都咁上下，不過略嫌炒粉同湯粉份量不足，不過服務態度就認真麻麻，影響左自己對呢間餐廳既評分。
其實平時食開五十嵐，因為真係好平，不過見到呢間君豪食軒，野食款式都幾多，所以入左去試下。望左餐牌，睇黎舖頭主打越式食物，下午茶有扎肉、無骨鳳爪、越式魚蛋、濛粉等。我自己叫左個常餐，即係粉麵加碟蛋，屋企人就叫左炒粉同湯粉，另外我地加個無骨鳳爪share食。食物質素尚可，跟平時的茶記都咁上下，不過略嫌炒粉同湯粉份量不足，不過服務態度就認真麻麻，影響左自己對呢間餐廳既評分。
題外話/補充資料：
幫我地寫單係一個好細個既女仔，佢寫完單之後係度自言自語：「鳳爪呢個有無野食......」咁我咪開聲問係咪有埋飲品，之後佢話無。野食都黎得幾快，而且份量同賣相都唔錯，唯獨係對無骨鳳爪有微言，因為成碟得兩隻鳳爪，我地三個人每人都分唔到一隻囉。咁我地咪叫番個女仔黎換，個女仔好似呆左咁，之後餐廳老闆走埋黎，話即刻換左佢，咁佢肯換我地都無所謂。點知過左無耐，個女侍應又走埋黎問：[b]「（質疑）你地個無骨鳳爪係下午茶，做咩唔叫野飲？」[/b]我地成家人完全無話可覆，佢頭先又話無野飲既，而家又話有，個老闆又走埋黎，唔單止無同我地道歉，仲話：「[b]佢（女侍應）都無話騙你啦，如果佢要騙你，都唔會話比你聽無野飲啦！」[/b]喂！阿老闆，明明係佢頭先話無野飲，而家就話番我地唔叫野飲，好明顯係佢唔岩啦？老闆你仲幫住佢？ 之後老闆仲離譜，我地已經谷住啖氣去食埋個餐，咁飲野個陣我同媽咪傾緊日後買樓大計，唔知係咪因為我媽咪頭先鬧個女侍應，老闆竟然搭訕：「邊個話買樓賺唔到錢嫁？你唔識就咪亂咁教人啦！」我地屋企人傾緊計又關你事既？
小弟覺得，一間舖頭既野食無論點樣好食，若果你既服務態度係完全欠佳，令食客既感覺好差既話，都永遠唔會有好生意，呢間舖頭就係一個好例子啦！即使係一間屋村茶記，都唔代表你可以咁樣對食客囉。
(以上食評乃用戶個人意見 , 並不代表OpenRice之觀點。)
張貼