基隆茶餐廳

營業中

休息中

喺太子嘅有良心舖頭都真係唔少，好多時茶餐廳比我嘅感覺都係好市井，同我心目中嘅良心可能大纜都扯唔埋上，但依間基隆茶餐廳係非常之有良心，所以我成日都會去買外賣食支持下佢。今次有機會去堂食就試咗佢嘅一個豬膶麵，豬膶麵嘅製作雖然看似簡單，而且用料都好平，但大家都知道啦，越簡單嘅嘢就越難煮得好味，而佢嘅豬膶麵係的確真係好好味。首先講吓佢嘅豬潤啦，新鮮爽口冇騷味，口感非常之唔錯，好好味。公仔麵就正正常常啦，都係茶記嘅公仔麵。令到我覺得有驚喜嘅係佢個湯底，佢用咗薑去煮佢個湯，令到豬膶同埋個湯配搭得更加好味，而且個感覺仲好健康，飲得出唔係味精湯，食完都唔會覺得口渴，非常之唔錯。食完個人仲興興地好暖添🥰呢個價錢食到一間咁好味嘅良心店真係非常之好。佢喺深水埗都好似開咗一間分店，大家得閒就支持下啦。