李公館

營業中

休息中

再次跟友人來到李公館飲茶，都係點左我最愛的桂花鐵觀音，鐵觀音有陣陣的桂花香味，感覺特別，不是普通大集團茶樓可以喝得到，值得一讚!講返食物方面，娥姐蒸粉果， 皮薄呈透明，見到埋裡面啲餡, 餡料新鮮，真係做到皮薄餡靚!再黎雪影叉燒飽，鬆化外層配上瘦叉燒餡料，再加上剛出爐熱辣辣，又一推介!黑魚子大蝦燒賣，大大隻蝦放於燒賣食，唔似一般酒樓只係淨肉，再加上黑魚子放係蝦上點綴，雖然黑魚子無乜味，但賣相加了分! 芝士蝦春卷，芝士香濃， 但係火腿比例比蝦還多，如果蝦多啲就更加好啦!脆皮鯪魚球，外層加了脆脆米，香脆可口，魚肉唔腥，甜酸汁酸酸甜甜十分惹味，但係如果有埋蜆芥汁可以選擇就更加好啦!咖哩牛栢葉，咖哩味香，但牛栢葉唔夠淋同!最後甜品時間，芝麻卷而家係香港既茶樓已經買少見少了，一圈圈既芝麻卷好似舊式菲林，黑芝麻味香，微暖香滑又不太甜，最愛濃濃的芝麻味！正！仲有芒果布甸，紫米布甸同紅荳牛奶布甸，味香而又不太甜，為這餐豐富的午餐劃上完美句號。