佳記餐廳 (已結業)

約咗人去良景商場，之前好似無踏足過呢個商場，本來上Open Rice見有間推介日本刺身壽司，但去到原來堂食唔多方便，主要做外賣，所以無目的咁行，見到呢間佳記餐廳，當時六點半左右比較早，無乜人就坐低。卡位都幾好坐，燈光光猛，黑白雲石枱唔知點解望落去好污糟、油立立，於是自己清潔。餐牌見有扒餐，於是試吓鐵板黑椒雞扒同牛柳，問落單姐姐薯菜唔要薯條，要雜菜，佢答薯菜得薯條，於是專登叫多碟蒜蓉西蘭花。餐跟羅宋湯同餐包，正常無乜特別；黑椒雞扒份量都幾多，味道ok，牛柳叫五成熟，嚟到應該七成，但肉質淋身、鮮嫩，茶餐廳質素尚可。最驚喜係跟餐伴碟好多椰菜、半件蕃茄，同姐姐講唔同，早知唔使叫多碟菜。蒜蓉西蘭花細細碟，味道不錯。茶餐廳質素，價錢唔算平，但同朋友坐下傾下計尚可。