小曼谷泰國美食 (已搬遷) 新店位置

上個星期, 一行三人去左小曼谷食晚飯, 一到門口見到入面既格局好似茶餐廳咁, 有少少卻步, 但見到門口好多人等位, 心諗野食都應該有保證。因為環境似茶記, 所以硬係盈住d service應該都會好求奇, 仲以為要等到2046。點知出乎意料之外, 又幾快有位喎。入到去, 見到D人叫到成枱滿晒, 好似唔使錢咁, 然後一打開menu,好多野都好想食, 就知點解D人叫咁多野。首先見到枱枱都有叫蒜蓉包, 就叫啦, 咁我又覺得如果要食泰野就要試D咖喱, 相比起飯, 我覺得咖喱點蒜蓉包應該會更好, 所以就點左黃咖喱雞去配蒜蓉包。賣相有茶記FEEL, 咖喱唔算辣但都幾足料, 有洋葱同薯仔是常識吧。兩樣都夠煮得幾腍, 不過D雞就唔夠肉, 咖喱唔算稀, 但可以再杰D。蒜容包熱辣辣就最正, 因為點咖喱既關係, 所以食唔到蒜蓉味, 我諗我本身既念頭係錯。但睇個樣, 有好多蒜蓉係包面, 並唔係得中間少少, 最後一碟我地都唔夠, 要額外叫多碟。另外見人地枱上面都有D波波咁樣既小食, 就叫左呢個炸芝士蝦球, 好大個, 食一個都已經夠晒, 我地得三個人, 食第二個果陣好痛苦, 芝士味唔濃，質感亦唔算話好芝士。