阿來東南亞風味 (已結業)

與友人經過油麻地，肚仔餓想食泰菜。Openrice 左呢間餐廳評價頗高。行到去見到餐牌都好抵食，不過Lunch 時間好多人，都等左一陣先有卡位坐。餐廳係茶餐廳格局，都幾熱鬧下。喇沙湯麵都唔錯，湯底濃。但係略嫌唔夠辣，可能就返香港人口味滷豬脾燜得幾腍，近皮部份入口即融。相當不俗。肉骨茶味道可以，但賣相一般。蛋黃雞翼香脆內軟，佢選擇切一半炸，似finger food，易入口，亦都好入味👍🏼👍🏼👍🏼冬蔭公湯好足料，泰式香茅辣味加上淡淡的椰香，精神為之一振。