茴香 (已結業)

臨時同朋友唔知食咩好，喺樓下search咗，睇咗餐牌先上去，去到發現唔同咗，員工話係第一日轉餐牌。選擇都算多，但係素食者只有一款可以揀，仲有芝士的。環境都算幾好，唯獨是座位比較分暗，加上隔籬枱有啲嘈吵。擺盤同賣相的確係幾好，但味道真係非常之一般，啲飯好似未煮熟咁。半自助部份都幾好，但係出得比較慢，份量又唔太多，好快已經俾人攞晒。服務就真係不值一提，見呢度好多食評都話服務好，但係我真係感受唔到，落單嗰個，講嘢好似同自己講咁細聲，唔算太爆滿，但全部侍應基本上係冇表情，上菜非常之hea，唔問吓碟飯係邊個嘅都算，仲要口黑面黑放係枱邊就走咗去。未食完又走嚟執枱，餐具都執走埋，食晒啲嘢成枱都係就要叫先有人嚟收。總括嚟講，嚟呢度影相打卡都可以，但唔好預有啲咩服務同埋非常好味嘅食物。