影片
更多
2016-08-14
3774 瀏覽
一直喜歡與前輩傾計, 除左可以聽到前輩的人生歷程,不論在工作, 朋友, 家庭之間也可以比我好好既意見,有一位前輩, 係我以前做暑期工認識,一直都有聯絡, 所以今晚又約佢食飯相聚，前輩是茹素, 所以想搵一間坐得舒服, 唔限時的食店,上網SEARCH, 都有幾間選擇，前輩最後介紹佢常去的一間。就係一心素食。牛頭角站行過去, 唔算難搵, 上到去原來好大,原來有卡位, 不過太遲BOOK所以無, 不過都無乜所謂,由於我早到就去睇下餐牌。餐牌好多選擇, 小至一人餐, 甚至圍餐也有，難怪前輩會常常來食。前輩也到了, 最後大家點了2人餐,2人餐也不少野食 :姬松茸豆腐羹 每人都有2碗, 用料多, 啖啖都有材料。先飲左一碗, 怕太飽食唔到其他野食小食要了 手抓餅配咖喱汁食落似足印度簿餅, 份量竟然有6塊 (以為2人餐只有2或4塊),咖喱汁唔會辣,但好香好惹, 手抓餅唔會太多油, 可以食晒都唔怕 !!主菜就有2個:前輩推介 :黑松露秋葵炒滑蛋呢個真係無得輸, 知道秋葵對糖尿好, 營養價值高, 平時也只要烚黎食,估唔到可以炒蛋, 一上枱已聞到好香的黑松露味, 食意大增。咬左一啖, 果然好滑, 加上有切粒的秋
不論在工作, 朋友, 家庭之間也可以比我好好既意見,
有一位前輩, 係我以前做暑期工認識,
一直都有聯絡, 所以今晚又約佢食飯相聚，
前輩是茹素, 所以想搵一間坐得舒服, 唔限時的食店,
上網SEARCH, 都有幾間選擇，前輩最後介紹佢常去的一間。
就係一心素食。
牛頭角站行過去, 唔算難搵, 上到去原來好大,
原來有卡位, 不過太遲BOOK所以無, 不過都無乜所謂,
由於我早到就去睇下餐牌。
餐牌好多選擇, 小至一人餐, 甚至圍餐也有，難怪前輩會常常來食。
前輩也到了, 最後大家點了2人餐,
2人餐也不少野食 :
姬松茸豆腐羹
每人都有2碗, 用料多, 啖啖都有材料。先飲左一碗, 怕太飽食唔到其他野食
小食要了 手抓餅配咖喱汁食落似足印度簿餅, 份量竟然有6塊 (以為2人餐只有2或4塊),
咖喱汁唔會辣,但好香好惹, 手抓餅唔會太多油, 可以食晒都唔怕 !!
主菜就有2個:前輩推介 :黑松露秋葵炒滑蛋
呢個真係無得輸, 知道秋葵對糖尿好, 營養價值高, 平時也只要烚黎食,
估唔到可以炒蛋, 一上枱已聞到好香的黑松露味, 食意大增。咬左一啖,
果然好滑, 加上有切粒的秋葵, 又有咬口, 用黎送飯簡直一流。
我就揀左一心PIZZA, 黎到時見到又係6件, PIZZA皮同手抓餅的皮一樣, 但入面多左好多料,
仲有個炒飯仲未食...其實已經飽左一半啦 !
一心炒飯 :呢個飯完全唔油, 有粟米, 蛋, 豆, 菇菇, 份量又大, 每人都有2碗多。
鹹淡適中, 有味得黎唔會鹹
二人餐仲有飲品, 前輩要了凍柚子蜜, 我加了 $8 要了鮮榨蘋果汁,蘋果汁都好大杯, 用膠杯盛載, 方便我飲唔晒拎走 !!
大家傾下笑下, 侍應又唔會趕人走, 雖然是近寫字樓區, 7點半時已坐6-7成了,差不多走時, 都要去一去洗手間, 洗手間好清潔, 共有3格。
竟然有驚喜, 去完洗手間出黎, 前輩竟然送左一袋月餅比我,
月餅原來係呢間店的出品, 一袋有2盒, 每盒有2個 (分別係有蛋黃及無蛋黃)
見到月餅今年都未開始食, 所以即時開一個有蛋黃同前輩齊齊食。
講明係低糖, 果然無乜甜味 !
蓮蓉好幼滑, 蛋黃都好大個, 食1/4蛋黃都佔好多。
職員話係自家制, 無防腐劑不要擺太耐。
食埋半個迷你月餅真係好飽, 食唔落另一款 白蓮蓉, 好在連埋個包裝袋, 容易拎走
唯有帶返去同屋企人分享啦 !
今餐真係好滿足, 能夠與前輩分享工作上的難處, 聽到佢的安慰, 真係釋懷了不少
題外話/補充資料：
店內還有其他素食食品可以購買
(以上食評乃用戶個人意見 , 並不代表OpenRice之觀點。)
張貼
