影片
更多
2016-03-01
689 瀏覽
上星期到荃灣區工作，順便到香車街街市搵食，食開幾間大排檔開始有d悶，咁就去試下老四旁個間泰國嘢試下啦，同行友人之前食過話一般，但我就堅持要試，點知一試成主顧了。原來我哋去食個陣已經轉咗手，鋪頭由一對泰籍男女(未知是否夫婦？)經營。當晩叫咗泰式生蝦，金不換辣椒炒肉碎，泰式滷水豬手，半隻燒雞，馬拉盞炒椰菜苗同泰式炒金邊粉。每樣食物都好正，份量足夠而且普遍價位都係48至68蚊左右，以呢個價錢同食物質素嚟睇，性價比絕對高到爆。必食嘅一定係燒雞，雞肉醃得超入味，而且邊皮d燶位超正，有股炭燒味(未知是否炭燒)。即時令我諗起喺泰國食嘅路邊炭烤雞腿，有食過的朋友必定會有同感。泰式生蝦隻隻新鮮彈牙，阿姐話生蝦必定用新鮮蝦，用剩的就用嚟整冬蔭公湯(晏晝有午市套餐，冬蔭公湯金邊粉)，呢個態度先係似做食㗎嘛。而餸飯一流的就非金不換辣椒炒肉碎莫屬，食落有濃厚的金不換香氣，而且帶有少許辣味(今次叫小辣就朋友，下次要大辣)，唔似坊間一d鋪頭嘅得個咸字，所以建議各食友去第一次光顧的泰式餐廳時，必先點呢個餸，原理就似去每間大排檔必試其小炒王，係試大厨功力的餸菜。滷水豬手軟淋入味，亦得同行友人垂青，建議先食原味，再試點隨
原來我哋去食個陣已經轉咗手，鋪頭由一對泰籍男女(未知是否夫婦？)經營。當晩叫咗泰式生蝦，金不換辣椒炒肉碎，泰式滷水豬手，半隻燒雞，馬拉盞炒椰菜苗同泰式炒金邊粉。每樣食物都好正，份量足夠而且普遍價位都係48至68蚊左右，以呢個價錢同食物質素嚟睇，性價比絕對高到爆。
必食嘅一定係燒雞，雞肉醃得超入味，而且邊皮d燶位超正，有股炭燒味(未知是否炭燒)。即時令我諗起喺泰國食嘅路邊炭烤雞腿，有食過的朋友必定會有同感。
泰式生蝦隻隻新鮮彈牙，阿姐話生蝦必定用新鮮蝦，用剩的就用嚟整冬蔭公湯(晏晝有午市套餐，冬蔭公湯金邊粉)，呢個態度先係似做食㗎嘛。
而餸飯一流的就非金不換辣椒炒肉碎莫屬，食落有濃厚的金不換香氣，而且帶有少許辣味(今次叫小辣就朋友，下次要大辣)，唔似坊間一d鋪頭嘅得個咸字，所以建議各食友去第一次光顧的泰式餐廳時，必先點呢個餸，原理就似去每間大排檔必試其小炒王，係試大厨功力的餸菜。
滷水豬手軟淋入味，亦得同行友人垂青，建議先食原味，再試點隨豬手附上的酸辣汁，咁就一手兩味喇。
金邊粉亦炒得夠鑊氣，甜甜酸酸十分開胃，唯上呢味時已飽肚，唯有帶走。
第二次嚟食晏先記得影
超正燒雞，食咗幾舊先記得影
金不換辣椒炒肉碎
午市飯餐，熱飲加一蚊，凍飲加兩蚊
張貼
