爆丼丼 (已結業)

荃灣真係越黎越多好野食，今晚又孖住我個荃灣之友捐窿捐罅去食好西今次佢就帶左我去河背街即係楊屋道街市附近d橫街窄巷入度食日本野。講就話係d橫街窄巷好似好複雜咁，但查實由地鐵站行黎都係十零分鐘，仲要係橋駁橋咁行，都好方便。呢間日式餐廳細細間，裝修簡單整齊，不過座位就比較窄但係都算舒服既。Menu呢度主打係食丼飯，除左有海鮮丼、仲有咖喱丼、鰻魚飯、拉麵等等...價錢係由$52起，超級大眾化1800前仲免收加一tim極上魚生丼$148呢個極上魚生丼係有牡丹蝦、三文魚腩、油甘魚、帶子、同海膽。d刺身好新鮮，三文魚腩超肥美，而個海膽就好甘甜。份量係適中既，d飯食落都好有嚼口，不過就略嫌濕左dd。成個丼飯餐仲包個麵豉湯或者汽水tim，好抵食呀四重爆丼$188呢個四重爆丼係限量發售既，入面有海膽、拖羅蓉、帶子同三文魚子。拖羅蓉食落除左鮮之外，仲有層油香，海膽既比例都真係好多，仲有部份火炙過tim，鍾意食海膽既朋友就唔好錯過啦