影片
更多
2021-10-11
153 瀏覽
餐廳歐式嘅裝修，令人有一種別具格調嘅感覺。而且唔同嘅位置仲有唔同嘅擺設，英倫風格嘅戶外餐區、懷舊嘅木製傢俬、以及別具雅子嘅皮製家具。淨係環境已經好似去咗歐洲咁。除咗環境吸睛，食物嘅質素都幾高，而且價錢大眾化，估唔到喺荃灣嘅地舖都可以食到高級西餐。龍蝦湯味道都幾濃郁，但係個湯就比稀，龍蝦好細心整成龍蝦碎，容易入口。仲另外在點左一份麵包，麵包外脆內軟，同個龍蝦湯好夾。帝王蟹餅配蛋黃芥末醬滿滿嘅蟹肉，每一啖都好滋味。而且蛋黃芥末醬冇搶到蟹餅嘅味道，作為頭盤都幾開胃。香辣牛肉他他平時嘅Tartare好少會有辣味，呢個作為餐前小食真係一流。牛肉非常新鮮，食落口有一種即將溶化嘅感覺。自己覺得呢個味道比較濃郁，如果怕太辣嘅朋友可以配上麵包。法國麵包蟹燴意大利飯南瓜味好濃郁，蟹肉嘅部份都好多，不過略嫌比南瓜味蓋過咗少少。個飯就比較林身，容易入口。個人覺得呢個意大利飯比較適合香港人，有少少似咖喱飯嘅感覺。如果鍾意米粒比較硬身，可以事先同餐廳職員講聲。但係整體味道都幾吸引，而且個飯上面有幾款唔同嘅薄脆用嚟配襯，有另一番風味。澳洲M5和牛肉眼扒10安士肉質都幾鮮嫩，不過略嫌有少少過熟，今次我哋係點五成熟，有
餐廳歐式嘅裝修，令人有一種別具格調嘅感覺。而且唔同嘅位置仲有唔同嘅擺設，英倫風格嘅戶外餐區、懷舊嘅木製傢俬、以及別具雅子嘅皮製家具。淨係環境已經好似去咗歐洲咁。
除咗環境吸睛，食物嘅質素都幾高，而且價錢大眾化，估唔到喺荃灣嘅地舖都可以食到高級西餐。
龍蝦湯
味道都幾濃郁，但係個湯就比稀，龍蝦好細心整成龍蝦碎，容易入口。仲另外在點左一份麵包，麵包外脆內軟，同個龍蝦湯好夾。
帝王蟹餅配蛋黃芥末醬
滿滿嘅蟹肉，每一啖都好滋味。而且蛋黃芥末醬冇搶到蟹餅嘅味道，作為頭盤都幾開胃。
香辣牛肉他他
平時嘅Tartare好少會有辣味，呢個作為餐前小食真係一流。牛肉非常新鮮，食落口有一種即將溶化嘅感覺。自己覺得呢個味道比較濃郁，如果怕太辣嘅朋友可以配上麵包。
法國麵包蟹燴意大利飯
南瓜味好濃郁，蟹肉嘅部份都好多，不過略嫌比南瓜味蓋過咗少少。個飯就比較林身，容易入口。個人覺得呢個意大利飯比較適合香港人，有少少似咖喱飯嘅感覺。如果鍾意米粒比較硬身，可以事先同餐廳職員講聲。但係整體味道都幾吸引，而且個飯上面有幾款唔同嘅薄脆用嚟配襯，有另一番風味。
澳洲M5和牛肉眼扒10安士
肉質都幾鮮嫩，不過略嫌有少少過熟，今次我哋係點五成熟，有三份一嘅部份都差唔多接近全熟。
最後點左兩款甜品
朱古力心太軟配雲呢拿雪糕同蘋果金寶配雲呢拿雪糕
張貼
