影片
更多
2024-09-25
238 瀏覽
呢間位於荃灣嘅串燒店都幾有驚喜。星期日晚市時段都幾旺場。串燒種類都多，口味偏向港式同日式風味。店家好好，先送咗一個薯仔沙律嘅前菜。薯蓉食落好軟熟，個麻醬又幾開胃。蟹籽沙律 ($38)份量都多，青瓜可能切得太幼嘅緣故，唔係話非常之爽脆，不過不失啦。蒜蓉燒帶子 ($40 each)幾欣賞佢嘅蒜蓉都幾幼細，帶子鮮嫩幾好食。燒油甘魚鮫 ($76)非常之抵食嘅油甘魚鮫，之前喺日本餐廳食過都唔係呢個價錢可以食到。佢燒到個皮好脆同埋啲肉質仲好嫩滑嘅，只係點少少檸檬汁已經好好食。海苔蘆筍明太子卷 ($48)估唔到佢係炸嘅，明太子係落咗落啲沙律醬度，個配搭都幾特別。汁燒雞髀菇 ($18)汁燒牛舌尖 ($38)汁燒唔會太鹹，牛舌特別好食，肉質軟熟。鹽燒牛小排 ($45)牛味濃郁，唔會燒到好乾好硬。燒白鱔 ($42)白鱔個皮燒到脆脆地，魚肉就比較腍身，仲keep住啲魚汁。原條肉碎茄子 ($52)肉碎比得一啲都唔手軟，茄子肉一絲絲搣出嚟食好軟滑，配埋個肉碎感覺啱啱好。山藥福包 ($25)見呢個幾得意喺出邊未食過。但口味偏鹹，入面好似係一啲釀山藥嘅物體。焦糖芝士蛋糕 ($22)價錢合理，外型有啲似壽司郎嘅卡達拉
店家好好，先送咗一個薯仔沙律嘅前菜。薯蓉食落好軟熟，個麻醬又幾開胃。
蟹籽沙律 ($38)
份量都多，青瓜可能切得太幼嘅緣故，唔係話非常之爽脆，不過不失啦。
蒜蓉燒帶子 ($40 each)
幾欣賞佢嘅蒜蓉都幾幼細，帶子鮮嫩幾好食。
燒油甘魚鮫 ($76)
非常之抵食嘅油甘魚鮫，之前喺日本餐廳食過都唔係呢個價錢可以食到。佢燒到個皮好脆同埋啲肉質仲好嫩滑嘅，只係點少少檸檬汁已經好好食。
海苔蘆筍明太子卷 ($48)
估唔到佢係炸嘅，明太子係落咗落啲沙律醬度，個配搭都幾特別。
汁燒雞髀菇 ($18)
汁燒牛舌尖 ($38)
汁燒唔會太鹹，牛舌特別好食，肉質軟熟。
鹽燒牛小排 ($45)
牛味濃郁，唔會燒到好乾好硬。
燒白鱔 ($42)
白鱔個皮燒到脆脆地，魚肉就比較腍身，仲keep住啲魚汁。
原條肉碎茄子 ($52)
肉碎比得一啲都唔手軟，茄子肉一絲絲搣出嚟食好軟滑，配埋個肉碎感覺啱啱好。
山藥福包 ($25)
見呢個幾得意喺出邊未食過。但口味偏鹹，入面好似係一啲釀山藥嘅物體。
焦糖芝士蛋糕 ($22)
價錢合理，外型有啲似壽司郎嘅卡達拉娜，不過就冇咁Creamy，口感真係似普通嘅芝士蛋糕。
張貼
