燒皇燒烤專門店

營業中

休息中

朋友想食串燒我想食雞煲，就揀左呢間燒皇食晚餐，有齊串燒同雞煲選。近排食得太多麻辣雞煲，今次就試下椰子雞煲。店員一奉上第一個感覺就係也太多肉了吧，只係嗌左半隻雞既肉已經好full，吾會好似有啲店用啲頭頸位濫竽充數，反而胸位髀位都多，我諗佢本身隻雞都大隻所以半隻既肉都好多。椰子雞湯底十分清甜，雞都好滑，仲有啲雪耳紅棗等等補身既材料。一邊食雞煲都陸續送上點左既串燒，其中茄子最吸睛，超級長！面頭既蒜相當惹味香口，燒得剛好熟透！鵝肝多士都幾抵食，多士烘得十分香脆！另外仲嗌左啲丸同菜做火鍋配料，清甜湯底滾完既菜特別甜呢！燒菠蘿好甜，最岩最後食當甜品～