三希樓 (荃灣廣場)

營業中

休息中

星期日去飲茶就試一試一間新嘅餐廳。無訂位要排隊，屋企人之前試過極力推介。屋企人好鍾意食蒸魚雲，侍應好好介紹我哋一個剁椒魚雲另外一個豉椒蒸，各有各好食，唔食辣嘅就可以order豉椒，食辣嘅可以order 剁椒魚雲，魚雲好滑好新鮮。仲有order咗個涼拌麻辣萵荀，見係川菜館就叫啲辣野食真係辣，唔食得辣就唔推介。仲叫咗魚湯魚滑米線，米線嘅質地都係煙煙韌韌係我鍾意嘅。仲有黑松露野菌餃、金沙鍋鍋貼。每碟上枱都熱辣辣，雖然星期日都好多人，但係侍應都照顧周到。