影片
更多
2019-11-21
620 瀏覽
去完旅行番黎，好掛住香港既茶記。一起身就衝入荃灣搵好西食。見到呢間咁多人排隊，應該係好野。 店員安排得好好，排左大概10分鐘就入到。 店員落單，跟單，出食物都有禮貌同快。 我同老婆分別叫左蔥油鴛鴦扒飯加太陽蛋+凍奶茶（$42+$8），生滾沙爹牛肉一丁配火腿奄列方包（$44）+熱奶茶。餐廳最好的就是凍熱飲同價，多士唔駛加錢。本身想叫佢個三眼仔飯（即係3隻太陽蛋加排）, 但去旅行期間真係爆曬quota,留番下次。蔥油鴛鴦扒飯大大碟，用厚身豬扒，雞扒JUICY，2塊排都冇雪味。 本身覺得隻蛋要加$8有D貴。 但出奇地隻蛋好好食, 個黃好香，撈埋佢D 豉油去送飯好正。沙爹牛麵，用一丁,唔駛加錢，比埋原裝麻油同味粉你，抵讚! 沙爹牛好得，個沙爹醬好"結"身，好香沙爹味，所以個湯可以唔駛落太多味粉。跟餐有多士配奄列，都係傳統港式味道，方包已塗上牛油，由於佢個蛋高質，連帶奄列都好好食。 凍/熱奶茶都好飲，茶底夠濃，個人唔鍾意太奶既。 總結，荃灣區CP值高，必回頭既港式茶記。
我同老婆分別叫左蔥油鴛鴦扒飯加太陽蛋+凍奶茶（$42+$8），生滾沙爹牛肉一丁配火腿奄列方包（$44）+熱奶茶。餐廳最好的就是凍熱飲同價，多士唔駛加錢。
本身想叫佢個三眼仔飯（即係3隻太陽蛋加排）, 但去旅行期間真係爆曬quota,留番下次。
蔥油鴛鴦扒飯大大碟，用厚身豬扒，雞扒JUICY，2塊排都冇雪味。 本身覺得隻蛋要加$8有D貴。 但出奇地隻蛋好好食, 個黃好香，撈埋佢D 豉油去送飯好正。
沙爹牛麵，用一丁,唔駛加錢，比埋原裝麻油同味粉你，抵讚! 沙爹牛好得，個沙爹醬好"結"身，好香沙爹味，所以個湯可以唔駛落太多味粉。跟餐有多士配奄列，都係傳統港式味道，方包已塗上牛油，由於佢個蛋高質，連帶奄列都好好食。 凍/熱奶茶都好飲，茶底夠濃，個人唔鍾意太奶既。
總結，荃灣區CP值高，必回頭既港式茶記。
31 瀏覽
2 讚好
0 留言
張貼
